PHRYGIUM

PHRYGIUM
PHRYGIUM
non raro Mitra dicitur, Phrygum gestamen, aliter quoque Phrygius amictus.
Maro, l. 3. Aen. v. 545.
Et caput ante aras Phrygiô velatus amictu:
quem Giraldus Syntagm. 17. Hist. Deorum, de titulo Romano accipit; Fulgentiusque ad Chalcidium ait, fuisse pallium, quô Sacerdotes ad sacrificium accedentes caput velabant. Sed paulo melius antiquus Iuvenalis Interpres, ad illud Sat. 6. v. 516.
———— Phrygiâ vestitur bucca tiarâ:
ostendit, Phrygium fuisse tiaram seu galeam Sacerdotis, quae per malas veniens mento subligaretur. Unde lux Valerio Flacco. l. 6. v. 700.
Subligat extremâ patriam cervice tiaram.
Nec non Senecae, cuius illa sunt, in Thyeste, Actu 4. v. 662.
———— Hôc Phrygius locê
Fixus tiaras Pelopis.
Nempe adiectiva vox est, sed absolute sine substantivo posita, ut in Re Vestiaria fieri amat. Subintelligitur autem pileum vel lorum, vel aliquid tale. Vetustiores enim Phrygiam mitram, et Phrygiam tiaram dicebant, quod posteriores absolute Phrygium. Cuius amictus iconem exhibet: sub mystico Attidis ornatu, in Veterum aliquot nummis conspicuam, Pignorius in Magnae Matris Deûm ac Attidis initiis, et ex illo Ans. Solerius de Pileo sect. 11. Hodie in Pontificis Romani habitu Phrygium quoque, quod Isidorus, Orig. l. 19. c. 31. interpretatur, Pileum caput protegentem. Quam notionem ex ipsis Graecis illustrat Eugubinus, ad fin. l. 1. contra Vallam. Car. du Fresne Phrygium, apud recentiores Auctores, sumitur pro praecipuo capitis Pontificii ornamento, quod hodie triplici coronâ insigne est, vulgoque Regnum appellatur Scriptoribus, quô in sloennibus ceremoniis Pontifex Roman. utitur, quodque a Constantino M. Silvestro Pontifici concessum aiunt. Frigium dicitur, in Ep. Callisti II. ad Steph. Camerar. Et frigii quidem corona capiti nostro impositâ, gaudentes exsultantesque per viam sacram, ad Lateranense palatium usque, sollenni ritu nos prosecuti sunt. Sic Sugerius in Ludovico VI. Rege, de Alexandro Pontif. Cumque Turonis apud S. Martinum, ut mos est Romanis, frigium ferens, Laetare Hierusalem celebrâsset. Et infra, de Callisto II. Ibique more Romanô se ipsos praeparantes, multô et mirabili ornatu, circumdantes capiti eius frigium, ornamentum Imperiale instar galeae circulô aureô circumcmnatum, imponant. Ioh. Sarisberiensis Policrat. l. 8. c. 23. de hadriano Pontif. Spinosam, dicit, Cathedram Romani Pontificis, in tantum acutissimis usquequaque consertam aculeis, tantaeque molis, ut robustissimos premat, terat et comminuat humeros Coronam et Phrygium clara merito videri, quoniam ignea sunt etc. E qua Phrygii Pontificii descriptione collegit Car. du Fresne, similis fuisse figurae, quâ Constantini M. Camelaucium, de quo pluribus agit Dissertat. 24. ad Ioinvillam p. 291. Idem vero magni muneris locô subinde et alios gestare permiserunt Pontifices, ut de B. Anselmo Luc. et S. Malachia, habet Baronius A. C. ^085. Aliique.

Hofmann J. Lexicon universale. 1698.

Игры ⚽ Нужно сделать НИР?

Look at other dictionaries:

  • Phrygĭum — Phrygĭum, so v.w. die päpstliche Krone …   Pierer's Universal-Lexikon

  • Cryptopecten phrygium — Scientific classification Kingdom: Animalia Phylum: Mollusca Class …   Wikipedia

  • frise — [ friz ] n. f. • 1528; frize 1520; freis « bandeau brodé d or » XIIIe; lat. phrygium, proprt « ouvrage phrygien » 1 ♦ Partie de l entablement entre l architrave et la corniche. « La frise du péristyle se compose de petits tableaux de marbre… …   Encyclopédie Universelle

  • frisé — frise [ friz ] n. f. • 1528; frize 1520; freis « bandeau brodé d or » XIIIe; lat. phrygium, proprt « ouvrage phrygien » 1 ♦ Partie de l entablement entre l architrave et la corniche. « La frise du péristyle se compose de petits tableaux de marbre …   Encyclopédie Universelle

  • orfroi — [ ɔrfrwa ] n. m. • orfreis 1150; du lat. aurum phrygium « or phrygien » ♦ Didact. Parement, broderie d or (et par ext. d argent) des vêtements liturgiques. Orfrois d une chasuble. ● orfroi nom masculin (latin aurum phrygium, or phrygien, étoffe… …   Encyclopédie Universelle

  • LORUM — Graece λῶρον, Balsamoni vinculum capitis est vel diadema s. fascia Imperatoria: quod Phrygium alii dixêre, ut Auctor Donationis Constantinianae. utrumque nempe sumitur pro vitta capitis vel mitta et tiara Impertiali. Phrygium enim adiectivum est… …   Hofmann J. Lexicon universale

  • frieze — I. noun Etymology: Middle English frise, from Anglo French, from Middle Dutch vriese Date: 15th century 1. a heavy durable coarse wool and shoddy fabric with a rough surface 2. a pile surface of uncut loops or of patterned cut and uncut loops II …   New Collegiate Dictionary

  • frieze — frieze1 /freez/, n. 1. Archit. a. the part of a classical entablature between the architrave and the cornice, usually decorated with sculpture in low relief. See diag. under column. b. any decorative band on an outside wall, broader than a… …   Universalium

  • Candelabrum cocksii — Candelabrum cocksii …   Wikipédia en Français

  • frise — 1. (fri z ) s. f. 1°   Terme d architecture. Partie de l entablement qui est entre l architrave et la corniche. •   La frise qui est sur l architrave doit être plus petite que l architrave d une quatrième partie, si ce n est qu on y veuille… …   Dictionnaire de la Langue Française d'Émile Littré

Share the article and excerpts

Direct link
… Do a right-click on the link above
and select “Copy Link”